Lieder
Teil 1
|
|
Lied 1
Dieses Lied ist ein reines Preislied, wie es zuvor im deutschen
Minnesang kein Gegenstück hat.
Die Adressantin dieses Gedichtes soll Kaiserin Beatrix von
Burgund, die Gattin Friedrichs I.
Barbarossa gewesen sein.
|
|
1.
Si ist ze allen êren ein wîp wol erkant,
schoener gebaerde, mit zühten gemeit,
sô daz ir lop in dem rîche umbe gêt.
alse der mân wol verre über lant
liuhtet des nahtes wol lieht unde breit,
sô daz sîn schîn al die welt umbevêt,
Als ist mit güete umbevangen diu schône.
des man ir jêt,
si ist aller wîbe ein krône.
2.
Diz lop beginnet vil vrouwen versmân,
daz ich die mîne vür alle andriu wîp
hân zeiner krône gesetzet sô hô,
unde ich der deheine ûz genomen hân.
des ist vil lûter vor valsche ir der lîp,
smal wol ze mâze, vil fier unde vrô.
Des muoz ich in ir genâden belîben,
gebiutet si sô,
mîn liebest vor allen wîben.
3.
Got lâze sî mir vil lange gesunt,
die ich an wîplîcher staete noch ie vant,
sît si mîn lîp ze einer vrowen erkôs.
wol ir vil süezer - vil rôt ist ir der munt,
ir zene wîze ebene - verre bekant,
durch die ich gar alle unstaete verkôs,
Dô man si lobte als reine unde wîse,
senfte unde lôs;
dar umbe ich si noch prîse.
4.
Ir tugent reine ist der sunnen gelîch,
diu trüebiu wolken tuot liehte gevar,
swenne in dem meien ir schîn ist sô klâr.
des wirde ich staeter vröide vil rîch,
daz überliuhtet ir lop alsô gar
wîp unde vrowen die besten vür wâr,
Die man benennet in tiuschem lande.
verre unde nâr
sô ist si ez, diu baz erkande.
|
1.
Sie ist eine Frau, von der bekannt ist, daß sie
sich in jeder Beziehung auszeichnet, voll Anmut
in ihren Gebärden, heiter und dabei zugleich
zurückhaltend, so daß ihr Preis im ganzen
Reich erschallt. Wie der Mond in der Nacht weit
über das Land leuchtet, so hell und so voll, daß
sein Glanz die ganze Welt umfängt, ebenso ist die
Schöne von Vollkommenheit umstrahlt. Deshalb
sagt man von ihr: Sie ist die Krone aller Frauen.
2.
Ebendieser Preis, in dem ich meiner Herrin die
Krone zugesprochen und sie, ohne eine Ausnahme
zu machen, hoch über alle anderen Frauen gestellt
habe, erregt bei vielen Frauen Ärgernis. Aber wirklich:
Sie ist so gänzlich frei von jedem Makel, schlank,
wie eine Frau sein soll, sehr stolz und heiter.
Darum muß ich in ihrem Dienste bleiben,
wenn sie, die mir die liebste von allen
Frauen ist, es so befiehlt.
3.
Gott möge sie mir recht lange gesund erhalten:
Seit ich sie zu meiner Herrin erwählte, verhielt
sie sich noch stets, wie es sich für Frauen geziemt.
Ihr gebührt der Preis! Sie ist bezaubernd - leuchtend
rot ist ihr Mund, ihre Zähne gleichmäßig und
strahlend – ihr Ruf ist weithin gedrungen.
Ihretwegen gab ich alle meine Unbeständigkeit auf,
als man sie rühmte, sie sei makellos, klug, freundlich
und voller Anmut. Darum besinge ich sie noch heute.
4.
Ihre vollkommene Lauterkeit gleicht der Sonne,
die dunklen Wolken hellen Glanz verleiht,
wenn im Frühling ihr Licht klar erstrahlt.
Darum wird mir beständige Freude
in reichem Maße zuteil:
Ihr Ruhm überstrahlt selbst die besten
– ob Frau, ob Herrin -,
die man in deutschen Landen nennt.
Fern und nah, sie ist die Berühmteste!
|
|
Lied 2
|
|
1.
Mîn liebeste und ouch mîn êrste
vreude was ein wîp,
der ich mînen lîp
gap ze dienste iemer mê,
daz hôhste und ouch daz hêrste
an dem herzen mîn,
seht, daz muoz si sîn,
der ich selten vrô gestên.
Ir tuot leider wê
beide mîn sprechen und mîn singen.
des muoz ich an vreuden mich nu twingen
unde trûren, swar ich gê.
2.
Waer ir mit mîme sange
wol, sô sunge ich dir.
sus verbôt siz mir,
und ir taete mîn swîgen baz.
nu swîge aber ich ze lange.
solde ich singen mê,
daz taet ich als ê.
wie zimt mîner vrouwen daz,
daz si mîn vergaz
und verseite mir ir hulde?
ôwê des, wie rehte unsanfte ich dulde
beide ir spot unde ouch ir haz!
3.
Nu râtent, liebe vrouwen,
waz ich singen muge,
sô daz ez iuch tuge!
sanc ist âne vreude kranc.
ich enhân niht wan ein schouwen
von ir und den gruoz,
den si teilen muoz
al der welte sunder danc.
Diu zît ist ze lanc
âne vreude und âne wunne.
nû lâ sehen, wer mich gelêren kunne,
daz ich singe niuwen sanc!
4.
Vil wîplîch wîp, nu wende
mîne sende klage,
die ich tougen trage,
dû weist wol, wie lange zît.
ein saelden rîchez ende,
wirt mir daz von dir,
sô siht man an mir
vröide âne allen widerstrît,
sît daz an dir lît
mînes herzen hôchgemüete.
maht du troesten mich dur wîbes güete,
sît dîn trôst mir vröide gît?
5.
Ich sihe wol, daz mîn vrouwe
mir ist vil gehaz.
doch versuoche ichz baz,
in verdiene ir werden gruoz.
des ich ir wol getrouwe,
daz hât sî versworn.
ir ist leider zorn,
daz ichz der werlte künden muoz,
daz ich niemer vuoz
von ir dienste mich gescheide,
ez kom mir ze liebe alder ze leide.
lîhte wirt mir swaere buoz.
|
1.
Meine liebste und auch meine erste
Freude war die Frau,
in deren Dienst ich mich
für alle Zeit gestellt habe.
Das Höchste und Erhabenste
in meinem Herzen
muß sie sein, derentwegen ich selten froh bin.
Leider bereitet ihr mein Dichten
und mein Singen Schmerz.
Daher muß ich mich jetzt in meiner
Freude beschränken und betrübt sein,
wohin ich auch gehe.
2.
Fände sie an meinem Gesang Gefallen,
dann sänge ich für sie;
so aber hat sie es verboten und gesagt,
mein Schweigen sei für sie besser.
Jetzt dauert ihr mein Schweigen aber zu lange.
Sollte ich weiterhin singen,
ich täte es wie vordem.
Wie steht es meiner Herrin an,
mich zu vergessen
und mir ihr Wohlwollen zu entziehen.
O weh, mit welchem Schmerz ertrage ich
neben ihrem Spott auch noch ihre Abneigung.
3.
Nun gebt mir einen Rat, liebenswerte Damen,
was ich singen kann,
so daß es euch gefällt.
Sang ohne Freude ist wertlos.
Sie hat für mich nur Blicke
und den Gruß, den sie ohnehin
jedermann zukommen lassen muß,
ob sie will oder nicht.
Die Zeit ohne Freude und ohne Glück
vergeht langsam. Nun laßt sehen,
wer es versteht, mich so zu belehren,
daß ich eine neue Art von Liedern anstimme.
4.
Du Inbegriff der Frau,
heile meinen Liebesschmerz,
den ich heimlich – du weißt schon,
wie lange – trage.
Machst du mich am Ende noch glücklich,
dann sieht man mich
in ungetrübter Freude,
denn von dir allein hängt
die frohe Stimmung meines Herzen ab.
Kannst du mich trösten
durch deine Güte,
da nur dein Trost mir Frohsinn schenkt?
5.
Ich sehe deutlich, daß meine Herrin
eine große Abneigung gegen mich hegt.
Dennoch werde ich es aufs neue versuchen,
ob ich nicht doch ihren teuren Gruß verdiene.
Sie hat geschworen, das nicht zu tun,
was – wie ich weiß – sie wohl könnte.
Leider erzürnt es sie, daß ich der
Welt mitteilen muß, niemals auch nur
einen Fuß aus ihrem Dienst zu treten
- gleichgültig, ob es mir nun
Freude oder Leid bringen wird.
Vielleicht wird mir mein Schmerz noch vergolten.
|
Lied 3
Strophe 1/5-8. Der Vergleich hat einen doppelten Bezug:
1) Der Dichter setzt sich mit dem Mond gleich, die Geliebte mit
der Sonne.
2) Das Herz des Dichters ist der Mond, die Blicke der Dame die
Sonnenstrahlen.
Das Verhältnis Sonne-Mond wird im deutschen Minnesang zuerst von
Heinrich von Veldeke übertragen.
|
1.
Het ich tugende niht sô vil von ir vernomen
und ir schoene niht sô vil gesehen,
wie waere sî mir danne alsô ze herzen komen?
ich muoz iemer dem gelîche spehen,
als der mâ'ne tuot, der sînen schîn
von des sunnen schîn enpfât,
als kumt mir dicke
ir wol liehten ougen blicke
in daz herze mî'n, dâ si vor mir gât.
2.
Gênt ir wol liehten ougen in daz herze mîn,
sô kumt mir diu nôt, daz ich muoz klagen.
solde aber ieman an im selben schuldic sîn,
sô het ich mich selben selbe erslagen,
dô ichs in mîn herze nam
und ich sî vil gerne sach
- noch gerner danne ich solde -,
und ich des niht mîden wolde,
in hôhte ir lop, swâ manz vor mir sprach.
3.
Mîme kinde wil ich erben diese nôt
und diu klagenden leit, diu ich hân von ir.
waenet si danne ledic sîn, ob ich bin tôt,
ich lâze einen trôst noch hinder mir,
daz noch schoene werde mîn sun,
daz er wunder an ir begê,
alsô daz er mich reche
und ir herze gar zerbreche,
sô' sî'n sô rehte schoenen sê.
|
1.
Hätte ich nicht so vieles von ihren Vorzügen
gehört und so viel von ihrer Schönheit gesehen,
wie hätte sie dann so sehr mein Herz bedrängen
können? Ich muß immer schauen
wie er, der Mond, welcher sein
Leuchten von der Sonne Licht empfängt,
genau so fällt der strahlende
Glanz ihrer Augen in mein Herz,
wo sie vor mir geht.
2.
Dringen ihre hell leuchtenden Augen in mein Herz,
dann ergreift mich die Qual, so daß ich Klage erheben
muß. Wäre es möglich, daß sich ein Mensch an sich
selbst verginge, dann hätte ich mich damals selbst
getötet, als ich sie in mein Herz ließ und sie so gerne
anschaute – viel lieber, als ich es hätte tun sollen -
und ich nicht davon ablassen wollte, das Lob auf sie
noch zu steigern, wo immer man es in meiner
Gegenwart aussprach.
3.
Meinem Kinde werde ich diese Qual vererben,
dazu alle Klagen und alles Leid, das ich
ihretwegen habe. Glaubt sie nach meinem
Tode, sie sei frei, so hinterlasse ich doch
etwas, das mir Hoffnung und Trost schenkt:
Mein Sohn möge so schön werden, daß er das
Unglaubliche an ihr zustande bringt, nämlich, mich
zu rächen und ihr Herz ganz zu brechen,
wenn sie ihn in seiner vollen Schönheit erblickt.
|
Lied 4
|
|
1.
In sô hôher swebender wunne
sô gestuont mîn herze ane vröiden nie.
ich var, als ich vliegen kunne,
mit gedanken iemer umbe sie,
sît daz mich ir trôst enpfie,
der mir durch die sêle mîn
mitten in daz herze gie.
2.
Swaz ich wunneclîches schouwe,
daz spile gegen der wunne, die ich hân.
luft und erde, walt und ouwe
suln die zît der vröide mîn enpfân.
Mir ist komen ein hügender wân
und ein wunneclîcher trôst,
des mîn muot sol hôhe stân.
3.
Wol dem wunneclîchem maere,
daz sô suoze durch mîn ôre erklanc,
und der sanfte tuonder swaere,
diu mit vröiden in mîn herze sanc,
dâ von mir ein wunne entspranc,
diu vor liebe alsam ein tou
mir ûz von den ougen dranc.
4.
Saelic sî diu süeze stunde,
saelic sî diu zît, der werde tac,
dô daz wort gie von ir munde,
daz dem herzen mîn sô nâhen lac,
daz mîn lîp von vröide erschrac,
un enweiz von liebe joch,
waz ich von ir sprechen mac.
|
1.
In einem so gewaltigen Glückstaumel
schwebte mein Herz noch nie,
niemals noch war es so voller Freude.
Ich kreise, gleich als ob ich fliegen könnte,
in Gedanken stets um sie, wie ein
ermutigendes Wort von ihr kam, welches
durch meine Seele mitten in das Herz drang.
2.
Alles, was ich an Behaglichkeit schaue,
spiegele sich wider in dem Lustgefühl,
das ich empfinde! Himmel, Wald und Aue
sollen den Frühling meiner Freude begrüßen.
Zu mir ist eine freudige Hoffnung
und eine beseligende Zuversicht gedrungen.
Darum soll mein Herz empor sich schwingen.
3.
Gepriesen sei die freudespendende Nachricht,
die so lieblich in meinem Ohr klang,
gepriesen der so angenehm wirkende Schmerz,
der zugleich so freudevoll sich in mein
Herz senkte. Daraus entsprang
ein Entzücken, das mir wie der
Tau vor Freude aus den Augen perlte.
4.
Gepriesen sei die beglückende Stunde,
gepriesen der Frühling, der hohe Tag,
da das Wort von ihrem Munde kam,
das mir so sehr am Herzen lag,
daß ich vor Freude erschrak
und vor Entzücken nicht weiß,
was ich von ihr sagen kann.
|
Lied 5
|
|
1.
Von den elben wirt entsehen vil manic man,
sô bin ich von grôzer liebe entsên
von der besten, die ie dehein man ze vriunt gewan.
wil aber sî dar umbe mich vên
Und ze unstaten stên,
mac si danne rechen sich
und tuo, des ich si bite. sô vreut si sô sêre mich,
daz mîn lîp vor wunnen muoz zergên.
2.
Sî gebiutet und ist in dem herzen mîn
vrowe und hêrer, danne ich selbe sî.
hei wan muoste ich ir alsô gewaltic sîn,
daz si mir mit triuwen waere bî
Ganzer tage drî
unde eteslîche naht!
sô verlür ich niht den lîp und al die maht.
jâ ist sie leider vor mir alze vrî.
3.
Mich enzündet ir vil liehter ougen schîn,
same daz viur den durren zunder tuot,
und ir vremeden krenket mir daz herze mîn
same daz wazzer die vil heize gluot.
Und ir hôher muot
und ir schoene und ir werdecheit
und daz wunder, daz man von ir tugenden seit,
daz wirt mir vil übel - oder lîhte guot?
4.
Swenne ir liehten ougen sô verkêrent sich,
daz si mir aldur mîn herze sên,
swer dâ enzwischen danne gêt und irret mich,
dem muoze al sîn wunne gar zergên!
Ich muoz vor ir stên
unde warten der vröiden mîn
rehte alsô des tages diu kleinen vogellîn.
wenne sol mir iemer liep geschên?
|
1.
So mancher Mann wird von Elben bezaubert, ebenso
bin ich bezaubert durch die berückende Anmut, die
einer Frau zu eigen ist, wie man keine vortrefflichere
je zur Geliebten gewonnen hat. Will sie mich aber
darum feindlich behandeln und ins Unglück stürzen,
dann mag sie Rache nehmen, und zwar möge sie das
tun, worum ich sie bitte. Damit schenkt sie mir solche
Freude, daß ich vor Wonne sterben muß.
2.
Sie gebietet und ist Herrin in meinem Herzen,
mächtiger, als ich selbst es bin.
Ach, könnte ich doch einmal
eine solche Macht über sie ausüben,
daß sie, mir ergeben, drei volle Tage
und manche Nacht bei mir weilte.
Dann verlöre ich nicht das Leben und alle Kraft.
Ja, sie ist leider allzu unabhängig von mir.
3.
Der strahlende Glanz ihrer Augen
entflammt mich wie das Feuer den dürren
Zunder, und ihre Zurückhaltung tut
meinem Herzen weh wie das Wasser
der so heißen Glut. Ihr hoher Sinn, ihre Schönheit,
ihr Wert und was man sonst aus der Fülle
ihrer Vorzüge rühmt, bedeutet für mich Unheil -
oder vielleicht auch mein Glück?
4.
Wenn sich einmal ihre strahlenden Augen
so auf mich richten, daß sie ganz durch
mein Herz dringen, wer immer dann
dazwischentritt und mich stört, dem möge
all seine Freude zerfließen! Ich muß vor ihr
stehen und auf meine Freude warten, ganz wie
die kleinen Vögel auf den Tag.
Wann wird mir je Freude widerfahren?
|
Lied 6
|
|
1.
West ich, ob ez verswîget möhte sîn,
ich lieze iuch sehen mîne schoene vrouwen.
der enzwei braeche mir daz herze mîn,
der möhte sî schône drinne schouwen.
Si kam her dur diu ganzen ougen
sunder tür gegangen.
ôwê, solde ich von ir süezen minne sîn
als minneclîch enpfangen!
2.
Der sô lange rüeft in einen touben walt,
ez antwürt im dar ûz eteswenne.
nûist diu klage vor ir dicke manicvalt
gegen mîner nôt, swie sis niht erkenne.
Doch klaget ir maniger mînen kumber
vil dicke mit gesange.
ôwê, jâ hât sî geslâfen allez her
adler geswigen alze lange.
3.
Waerein sitich alder ein star, die mehten sît
gelernet hân, daz si spraechen "minnen".
ich hân ir gedienet her vil lange zît.
mac sî sich doch mîner rede versinnen?
Nein sî, niht, got enwelle ein wunder
vil verre an ir erzeigen.
jâ möht ich sît einen boum mit mîner bete
sunder wâpen nider geneigen.
|
1.
Wüßte ich, ob es verschwiegen bleiben könnte,
dann ließe ich euch meine schöne Herrin sehen.
Wer mir mein Herz in zwei Stücke bräche,
der könnte sie darinnen in ihrer Schönheit erblicken.
Sie ist durch die Augen hierher gekommen,
ohne sie zu verletzen, ohne Tür.
Ach, würde ich von ihrer gütigen Liebe
ebenso liebevoll empfangen!
2.
Wenn einer so lange in einen tauben Wald riefe,
so käme ihm daraus doch einmal eine Antwort.
Nun ist die Klage, vergleicht man sie mit meiner
Qual, in vielerlei Variationen vor ihr erklungen,
wiewohl sie nichts davon bemerkt.
So mancher klagte ihr auch recht oft
meine Not mit Gesang. Ach, sie hat fürwahr
immer geschlafen oder allzu lange geschwiegen.
3.
Ein Sittich oder ein Star hätten während dieser Zeit
lernen können, "minnen" zu sagen. Ich habe bisher
sehr lange Zeit in ihrem Dienst verbracht. Vermag
sie sich auch nur an meine Worte zu erinnern?
Nein, sie kann es nicht, wenn Gott nicht bald ein
Wunder an ihr will offenbar werden lassen. Fürwahr,
ich hätte in all der Zeit einen Baum allein durch
meine Bitte ohne Werkzeug niederbeugen können.
|
Lied 7
Strophe 1/1-4. Diese Verse formulieren den Gegensatz
'schweigen-singen', der für das ganze Lied
charakteristisch ist.
|
