Der Leich

Got, dîner trinitâte (Leich)
A Einleitung
Got, dîner trinitâte, die beslozzen hâte dîn fürgedank mit râte, der jehen wir: mit drîunge diu driu ist ein einunge, ein got der hôhe hêre. Sîn ie selb wesende êre verendet niemer mêre. der sende uns sîn lêre. die sinne ûf menge sünde der fürste ûz helle abgründe uns hât verleitet sêre.	Gott, Deiner Trinität, die beschlossen hatte mit Bedacht Deine Voraussicht, der bekennen wir: In der Dreiheit ist die Drei eine Einheit, e i n Gott, der hohe Heilige. Seine in sich selbst gegründete Ehre endet niemals. Er sende uns seine Lehre. Die Sinne zu mancher Sünde hat uns der Fürst aus der Hölle Abgrund schmerzlich verleitet.
B Hauptteil I. 1.Hälfte
Sîn rât und bœses fleisches gir, die hânt geverret, hêr, uns dir. sît disiu zwei dir sint ze balt, und dû der beider hâst gewalt, Sô tuo daz dînem namen ze lobe und hilf uns, daz wir mit dir obe geligen und daz dîn kraft uns gebe sô starke stæte widerstrebe, Dâ von dîn name wirt geêret und ouch dîn lop gemêret. Dâ von wirt er geunêret, der uns dâ sünde lêret. Und der uns ûf unkiusche jaget. sîn kraft von dîner kraft verzaget, des sî dir iemer lob gesaget, Und ouch der reinen süezen maget, von der uns ist der sun betaget, der ir ze kinde wol behaget.	Sein Rat und die Gier des schwachen Fleisches, die haben uns, Herr, Dir ferngerückt. Da diese beiden Dir gegenüber kühn sind, Du aber über beide Gewalt hast, So handle Deinem Namen zum Ruhme und hilf uns, daß wir mit Dir obsiegen und daß Deine Kraft uns gebe so dauerhaften Widerstand, Wodurch Dein Name geehrt wird und Dein Ruhm vermehrt. Dadurch wird der entehrt, der uns hier Sünde lehrt. Und der uns zur Unkeuschheit treibt. Seine Macht verzagt vor Deiner Macht, dafür sei Dir stets Lob gesagt, Und auch der reinen süßen Jungfrau, durch die uns der Sohn zur Welt gebracht wurde, der ihr als Kind wohl gefällt.
B Hauptteil I. 2.Hälfte
Maget und muoter, schouwe der kristenheite nôt, dû blüende gert Aarônes, ûf gênder morgenrôt! Ezechiêles porte, diu nie wart ûf getân, dur die der künig hêrlîche wart ûz und in gelân! Als diu sunne schînet durch ganz gewürhtez glas, alsô gebar diu reine Krist, diu magt und muoter was. Ein bosch der bran, dâ nie niht an besenget noch verbrennet wart: Breit unde ganz dâ beleib sîn glanz vor fiures flamme unverschart. Daz was diu reine magt aleine diu mit megetlîcher art Kindes muoter worden ist ân aller manne mitewist, wider menschlîchen list den wâren Krist gebar, der uns bedâhte. Wol ir, daz si den ie getruog, der unsern tôt ze tôde sluog! mit sînem bluote er ab uns twuog den unfuog, den Even schulde uns brâhte. Salomônes hôhen thrônes bist dû, frouwe, ein selde hêre und ouch gebieterinne! balsamite, margarîte, ob allen magden bist dû, maget, ein magt, ein küniginne! Gotes lambe was dîn wambe ein palas reine, da er eine lag beslozzen inne. Daz lambe ist Krist, der wârer got ist, dâ von dû bist gehôhet und geêret. Dem lambe ist gar gelîch gevar der megde schar. nû nemt sîn war und kêret, swâr ez kêret! des bist dû, frouwe, geêret. nû bitte in, daz er uns gewer durch dich, des unser dürfte ger. dû sende uns trôst von himel her, des wirt dîn lob gemêret.	Jungfrau und Mutter, blicke auf die Not der Christenheit, Du blühender Stab Aarons, aufgehende Morgenröte Ezechiels Pforte, die nie aufgetan ward, durch die der König herrlich aus-und eingelassen wurde! So, wie die Sonne durch ein vollkommen aus einem Stück gefertigtes Glas scheint, so gebar die Reine Christus, die Jungfrau und Mutter war. Ein Busch, der brannte wo nie etwas angesengt noch angezündet wurde: Voll und ganz blieb dort sein Glanz von der Flamme des Feuers unversehrt. Das war die keusche Jungfrau allein, die in jungfräulicher Natur Die Mutter des Kindes geworden ist ohne Beiwohnung irgend eines Mannes, die gegen menschlichen Verstand den wahren Christus gebar, der sich unser annahm. Wohl ihr, daß sie den einstens ausgetragen hat, der unseren Tod tödlich niederschlug! Mit seinem Blut wusch er von uns ab den Makel, den Evas Schuld über uns brachte. Für Salomons hohen Thron, bist Du, Herrin, eine heilige Stätte und auch Gebieterin! Balsam, edle Perle, über allen Jungfrauen bist Du, Jungfrau, eine Jungfrau, eine Königin! Dem Lamm Gottes war Dein Leib eine keusche Wohnung, wo er allein eingeschlossen lag. Das Lamm ist Christus, der wahrer Gott ist, wodurch Du bist erhöht und geehrt. Dem Lamm ist gänzlich gleich an Farbe die Gefolgschaft der Jungfrau. Nun schaut auf es und wendet Euch dorthin, wohin es sich wendet! Durch es bist Du, Herrin, geheiligt. Nun bitte ihn, daß er uns gewähre durch Dich, was unsere Armseligkeit erheischt. Du sende uns Trost vom Himmel her, dafür wird Dein Lob vermehrt.
C Mittelteil
Dû maget vil unbewollen, der Gedêônes wollen gelîchest dû bevollen, die got selbe begôz mit sîme touwe. Ein wort ob allen worten entslôz dîner ôren porten: des süeze ob allen orten dich hât gesüezet, süeze himelfrouwe. Daz ûz dem worte erwahsen sî, daz ist von kindes sinnen frî: ez wuohs ze worte und wart ein man. dâ merket alle ein wunder an: ein got, der ie gewesende, wart ein man nâch menschlîcher art. Swaz er noch wunders ie begie, daz hât er überwundert hie. des selben wunderæres hûs was einer reinen megde klûs wol vierzig wochen und niht mê, âne alle sünde und âne wê. Nû bitten wir die muoter und ouch der muoter barn, si reine und er vil guoter, daz si uns tuon bewarn, Wan ân si kann nieman hie noch dort genesen. widerred daz ieman, der muoz ein tôre wesen.	Du Jungfrau, ganz unbefleckt, dem Wollvlies des Gideon gleichst Du vollkommen, das Gott selbst mit seinem Tau begossen hat. Ein Wort über allen Worten eröffnete Deiner Ohren Pforte: das Süßeste über allem hat Dich mit Süße erfüllt, süße Himmelsherrin. Was aus dem Wort erwachsen ist, das geht über die Einsicht eines Kindes: Es wuchs aus dem Wort und wurde ein Mensch. Hieran erkennet alle ein Wunder: Ein Gott, der immer schon war, wurde ein Mensch nach menschlicher Art. Was er auch jemals an Wundern vollbrachte, das hat er hier übertroffen. Eben dieses Wundertäters Behausung war einer reinen Jungfrau Klause wohl vierzig Wochen und nicht mehr, ohne alle Sünde und ohne Weh. Nun bitten wir die Mutter und auch der Mutter Kind, sie, die Reine und ihn, den so Guten, daß sie uns beschützen Denn ohne sie kann niemand hier noch dort gerettet werden. Widerspricht dem jemand, der muß ein Tor sein.
B Hauptteil II. 1.Hälfte
Wie kunde des iemer werden rât, der umbe sîne missetât niht herzelîcher riuwe hât, sît got enheine sünde lât, Die niht geriuwent zaller stunt hin abe unz ûf des herzen grunt? dem wîsen ist daz allez kunt, daz niemer sêle wirt gesunt, diu mit der sünde swert ist wunt, sin habe von grunde heiles funt. Nu ist uns riuwe tiure: si sende uns got ze stiure Bî sînem minnefiure! sîn geist, der vil gehiure Der kann wol herten herzen geben wâre riuwe und reinez leben, swâ er die riuwe gerne weiz. Dem machet er die riuwe heiz. ein wildez herze er alsô zamt, daz ez sich aller sünden schamt.	Wie könnte dem jemals geholfen werden, der wegen seinem Vergehen im Herzen nicht Reue empfindet, da Gott keine Sünden erläßt Die nicht zu jeder Stunde bereut werden bis hinab auf dem Grund des Herzens? Dem Weisen ist dies alles bewußt, daß niemals eine Seele gesundet, die durch das Schwert der Sünde verwundet ist, es sei denn, sie sei von Grund auf das Heils teilhaftig. Nun ist bei uns Reue selten: möge sie uns Gott als Hilfe senden Durch seine Liebesflammen! Sein Geist, der so heilige. Der kann wohl harten Herzen geben wahre Reue und reines Leben, wo er die Reue willkommen weiß. Einem solchen macht er die Reue inbrünstig. Ein widerspenstiges Herz zähmt er so, daß es sich aller Sünden schämt.
B Hauptteil II. 2.Hälfte
Nû sende uns, vater unde sun, den rehten geist her aben, daz wir mit dîner süezen fiuhte ein dürrez herze erlaben! Unkristenlîcher dinge ist al diu kristenheit sô vol! swâ kristentuom ze siechhûs lît, dâ tuot man im niht wol. In dürstet sêre nâch der lêre, als er von Rôme was gewon: Der im dâ schancte und in dâ trancte als ê, dâ wurd er varnde von. Swaz im dâ leides ie gewar, daz kam von symonie gar. und ist er dâ sô friunde bar, daz er engetar niht sîn schaden gerüegen. Kristentuom und kristenheit, gelîch lanc, gelîch breit, der disiu zwei zesamne sneit, liep unde leit der wolte ouch, daz wir trüegen In Kriste kristenlîchez leben. sît er uns hât ûf ein gegeben, sô suln wir uns niht scheiden. Swelch kristen kristentuomes phliht an worten - und an werken niht, der ist wol halb ein heiden. Daz ist unser meiste nôt: daz eine ist ân daz ander tôt. nû stiure uns got an beiden, Und gebe uns rât, sît er uns hât sîn hantgetât geheizen offenbâre. Nû senfte uns, frouwe, sînen zorn, barmherzig muoter ûz erkorn, dû frîer rôse sunder dorn, dû sunnevarwiu klâre!	Nun sende uns, Vater und Sohn, den rechten Geist herab, damit wir mit Deiner süßen Feuchtigkeit ein dürres Herz erquicken! Mit unchristlichen Dingen ist die Christenheit so voll! Wo das Christentum im Siechenhaus liegt, da handelt man an ihm nicht gut. Es dürstet sehr nach der Lehre, wie es von Rom gewohnt war: Wer ihm dort einschenkte und ihn dort tränkte wie früher, - es würde davon wieder gesund. Was ihm dort stets an Leid zugefügt wurde, das kam gänzlich durch die *Simonie. Auch ist es dort so ohne Freunde, daß es nicht wagt, seinen Schaden einzuklagen. Christentum und Christenheit - wer diese zwei zusammenfügte, gleich lang, gleich breit, als Freude und Leid, der wollte auch, daß wir führten In Christus ein christliches Leben. Da er uns zusammengegeben hat, so sollen wir uns nicht scheiden. Wer als Christ sich zum Christentum bekennt mit Worten – und mit Werken nicht, der ist wohl ein halber Heide. Das ist unsere größte Not: das eine ist ohne das andere tot. Nun helfe uns Gott zu beiden. Und leiste uns Hilfe, da er uns hat als sein Geschöpf offen bezeichnet. Nun besänftige für uns, Jungfrau, seinen Zorn, barmherzige Mutter, auserkoren, Du edle Rose ohne Dorn, Du sonnenhafte Reine!
*Simonie: nach Simon dem Magier benannter Handel mit geistlichen Sachen und Kirchenämtern, Sakramenten usw. Vergleiche das Neue Testament: Apostelgeschichte 8:17-21
D Schluß
Dich lobet der hôhen engel schar, doch brâhten si dîn lob nie dar, daz ez volendet wurde gar, daz ez ie wurde gesungen in stimmen oder von zungen ûz allen ordenungen ze himel und ûf der erde,- des mane dich, gotes werde: Wir bitten umb unser schulde dich, daz dû uns sîst genædiclîch, sô daz dîn bete erklinge vor der barmunge urspringe. sô hân wir den gedinge, diu schulde werde ringe, dâ mit wir sêre sîn beladen. hilf uns, daz wir si abe gebaden Mit stæte wernder riuwe umbe unser missetât, die nieman âne got und âne dich ze gebenne hât!	Dich lobt der hohen Engel Schar, doch brachten sie Dein Lob nie dahin, daß es gänzlich vollendet worden wäre. damit es stets gesungen werde in (Engels-) Stimmen oder in (menschlichen) Sprachen in allen Ordnungen im Himmel und auf der Erde, - ich erinnere Dich daran, Gotteswürdige: Wir bitten Dich um unserer Schuld willen, daß Du uns gnädig seiest, so daß Deine Fürbitte laut werde vor dem Quell der Barmherzigkeit. Dann haben wir die Hoffnung, daß die Schuld gering werde, womit wir schwer beladen sind. Hilf uns, damit wir sie abwaschen. Mit ewig währender Reue wegen unserer Sündenlast, die niemand außer Gott und außer Dir zu gewähren fähig ist!